Байзақтық спортшы Сәнім Нышаналы үстіміздегі жылдың 12-22 қазаны аралығында мүмкіндігі шектеулі спортшылар арасында қол күресінен Түркия мемлекетінің Анталия қаласында өткен дүбірлі додада топ жарды.
Осылайша Сәнім Нышаналы қырқыншы мәрте өткізіліп отырған Әлем чемпионатында алтыннан жүлде тақты. Сәнім — Қазақстан Республикасының Халықаралық дәрежедегі спорт шебері атанған. Оны Қазақстан Республикасының еңбек сіңірген жаттықтырушысы Ильяс Жансақалов жаттықтыруда. Жеңімпазды жеңісімен шын жүректен құттықтап, алда талай биіктерді бағындырады деп сенеміз.