Президент Бәсекелестікті қорғау және дамыту агенттігінің өкілеттігін кеңейтті

Фото: Ақорда

https://turkystan.kz/article/266134-prezident-basekelestikti-qorgau-zane-damytu-agenttiginin-okilettigin-keneitti
2025 жылғы 18 тамыздағы Қазақстан Республикасы Президентінің Жарлығымен Бәсекелестікті қорғау және дамыту агенттігі туралы ережеге өзгерістер енгізілді, деп хабарлайды turkystan.kz.

Қыркүйектен бастап ведомствоға жаңа міндеттер жүктеледі.

2025 жылдың 1 қыркүйегінен бастап ведомствоның жұмысына жаңа бағыттар қосылады.

Олардың қатарында:

мобилизациялық дайындық шаралары;

ақпараттық-коммуникациялық технологиялар мен киберқауіпсіздік талаптарының сақталуын бақылау;

мемлекеттік құпияларды қорғау;

мемлекеттік қызметтер көрсетуге қатысты заңға тәуелді актілерді әзірлеу бар.

Ал 2026 жылдың 1 қаңтарынан бастап агенттікке тағы екі функция беріледі:

салықтық жеңілдіктерді келісу;

көлеңкелі экономикаға қарсы іс-қимыл шараларына қатысу.

Тиісті Жарлық 2025 жылғы 1 қыркүйектен бастап күшіне енеді, ал жекелеген нормалар 2026 жылғы 1 қаңтардан бастап қолданысқа енгізіледі.

Толық нұсқасына гиперсілтеме беруді ұмытпаңыз: https://turkystan.kz/article/266134-prezident-basekelestikti-qorgau-zane-damytu-agenttiginin-okilettigin-keneitti