Мүлде жеңілмеген! Канело әлемдегі ең мықты боксшымен айқасады
ESPN шолушысы Майк Коппинджер мексикалық бокс жұлдызы Сауль Канело Альварес (62-2-2, 39 КО) және америкалық Теренс Кроуфорд (41-0, 31 КО) арасында өтетін жекпе-жекке қатысты мән-жайды айтты.
Қарсыластар қазіргі таңда өз салмағының чемпиондары
Канело кейінгі рет 2024 жылы 14 қыркүйекте жұдырықтасып, пуэрториколық Эдгар Берланганы (22-1, 17 КО) нокаутқа түсірді де, екінші орта дивизионда WBC, WBA Super, WBO және The Ring титулдарын қорғап қалды.
Кроуфорд былтыр тамызда өзбекстандық Исраил Мадримовты (10-1-1, 7 КО) төрешілер шешімімен жеңіп, оның бірінші орта салмақтағы WBA титулын тартып алды.
Карьерасында жеңіліп көрмеген Теренс — The Ring тұжырымы бойынша салмағына қарамастан әлемдегі ең мықты боксшы есептеледі (2023-2024).