Кадастрлық төлқұжатты қалай алуға болады?

On Сен 6, 2024

Жер мен жылжымайтын мүлікті есепке алу жүйесінің бірігуіне байланысты 2023 жылы құжаттың жаңа түрі — кадастрлық паспорт пайда болды.

Кадастрлық паспорт — бұл мемлекеттік жылжымайтын мүлік кадастрының мәліметтерін қамтитын құжат. Ол электронды түрде де, қағаз түрінде де берілуі мүмкін.

Бұл құжатта мекен-жайы, мекен-жайдың тіркеу коды, кадастрлық нөмірі, салынған жылы, үй сериясы, үйдің қабаты, пәтердің қабаты, ауданы: (жалпы, тұрғын, пайдалы), бөлмелер саны және қабырға материалы қамтылады. Кадастрлық паспорт көбінесе жаңа объектілерге рәсімделеді.

• Жер учаскесіне кадастрлық паспорт: нысаналы мақсаты өзгерген, учаскенің сәйкестендіру сипаттамалары өзгерген, бұрын берілген актілерді бөлу, біріктіру, ауыстыру кезінде, аукционда учаске сатып алу кезінде, бұрын жалға берілген жер учаскесінің меншігіне ресімделген жағдайда дайындалады.

• Пәтерлерге, тұрақ орындарына кадастрлық паспорт жер туралы мәліметтерсіз беріледі. Кондоминиум бойынша мәліметтер құжатта көрсетілмейді.

Кадастрлық паспорт алуға өтінішті Халыққа қызмет көрсету орталықтарына немесе электронды үкімет порталының көмегімен беруге болады.

Білу маңызды!

• Қолданыстағы техпаспортар мен мемлекеттік актілер күшінде қалады, яғни меншік иесі қаламайынша жаңа құжат алу міндеттелмейді.

• Жер учаскесіне құқықтарды рәсімдеу жолдары ашық түрде өткізіліп, қызмет көрсету жүйесі толық автоматтандырылады.

• Артық құжаттар сұратылмайды.

«Азамттарға арналған үкімет» мемлекетті коадастры» КЕ АҚ Жамбыл облысы бойынша филиалының – Жамбыл аудандық тіркеу және жер кадастры бөлімі