Мәжіліс депутаттары жануарларды ұстау мерзімін азайтып, эвтаназия жасауды жеделдетуді ұсынды

Фото pixabay.com-нан

Депутат Мархабат Жайымбетов мәжілісте «жануарларға жауапкершілікпен қарау туралы» заң жобасына енгізілген түзетулерді таныстыру барысында мәлімдеді.

«Біз эвтаназияны қолдану мерзімін 15-тен 5-ке дейін және 60-тан 30 күнге дейін қысқартсақ? Себебі иттерді ұстау үлкен шығынды талап етеді. Мәселен ағылшындардың заңнамасына қарасақ, оларда қаңғыбас иттер ұсталғаннан кейін жеті күн ғана қарауда болады. Содан кейін оларға эвтаназия жасалады. Жапонияда 25 мың ит эвтанизацияланды. Австралияда у қоспасы бар тамақ беріледі. Израильде ұсталған иттердің 30% эвтаназияға барады. Ал бізде оларды 15- 60 күн ұстау үлкен шығындарды талап етуде», — деді депутат Мархабат Жайымбетов.

• «Құны 742 миллион теңге»: Талдықорғандықтар бұралқы иттер мен мысықтарға арналған орынның салынуына қарсы шықты

• «Басы мен аяғы кесілген»: Желіде Шымкенттегі жануарларды ұстау бөлімшесінде қатыгездікпен өлтірілген мысықтардың суреті таралды

Экология және табиғи ресурстар министрлігі Орман шаруашылығы және жануарлар дүниесі комитеті төрағасының орынбасары Андрей Ким бұл мәселе жұмыс тобы аясында талқылауды қажет ететінін алға тартты.

Ал мәжілістің Экология және табиғатты пайдалану мәселелері жөніндегі комитетінің төрағасы Еділ Жаңбыршин егер депутаттар тарапынан түзетулер болса, онда негізінен бұл тақрыпты қарауға болатынын атап өтті.

https://stan.kz/news-397647/