Жоғарғы соттың төрт судьясы қызметінен босатылды
Сенат депутаттары палатаның жалпы отырысында Жоғарғы соттың төрт судьясын қызметінен босатты.
Мемлекет басшысының судьяларды қызметінен босату туралы ұсынысын Жоғарғы сот кеңесінің төрағасы Денис Шип оқыды.
«Сіздің атыңызға Жоғарғы соттың судьялары Ақылтай Ахмеджанұлы Қасымовты, Әлфия Сағдулқызы Савинованы, Айгүл Әнуарбекқызы Сапарованы қызметінен кетуіне байланысты, сондай-ақ Ербол Жұқатұлы Исмаиловты басқа қызметке тағайындалуына байланысты қызметінен босату туралы мемлекет басшысының ұсынысы енгізілді”, – деді Денис шип сенаттың жалпы отырысында.
Оның айтуынша, судьялар Савинова мен Сапарова зейнеткерлік жасқа жеткен, ал судья Қасымов судья лауазымын атқарудың ең жоғары жасы – 67 жасқа толған.
«Барлығының 26-дан 41 жасқа дейінгі төрелік ету тәжірибесі бар. Судья Исмаилов Жоғары Еуразиялық экономикалық кеңестің 2023 жылғы 25 желтоқсандағы № 12 шешімімен 2024 жылғы 1 қаңтардан бастап Еуразиялық экономикалық одақ сотының судьясы лауазымына тағайындалды. Жоғарыда аталған судьялардың барлығы сот қауымдастығында үлкен беделге ие. Құрметті депутаттар, сіздерден мемлекет басшысының Жоғарғы сот судьялары Қасымовты, Савинованы, Сапарованы отставкаға кетуіне және Исмаиловты басқа қызметке тағайындалуына байланысты қызметінен босату туралы ұсынысын қолдауыңызды сұраймын”, – деп қосты Шип.
Депутаттар судьяларды қызметінен босатуға бірауыздан дауыс берді.
Алматы, NEGE.