ЖАҢА КІТАПТЫҢ ТҰСАУКЕСЕРІ ӨТТІ
Аудандық орталық кітапханада Төлеген Байсүгіровтің
«Өмір иірімдері» кітабының
тұсаукесері өтіп, шараға аудан әкімі Ерлан Қыдыралыұлы, аудандық Қоғамдық кеңестің төрағасы Рүстем Бегалиев, аудандық мәслихат төрағасы Мұхтар Шайдаев және жергілікті ақын, жазушылар, кітапхана оқырмандары қатысты.
Басқосуда Төлеген Жұмамұратұлының кітабы кеңінен таныстырылып, кітаптың ішкі мазмұны айтылды.
Кітаптың тұсаукесер кермесін аудан әкімі Ерлан Қыдыралыұлы мен Рүстем Әлішұлы қиып, қоғам санасын жаңғырту, танымдық дүниелерді жастарға жеткізуге бағыт алған кітаптың оқырманы көп болуын тіледі.
Аудан басшысы Төлеген Жұмамұратұлына зерлі шапан жауып құрмет көрсетті.
Жиында аудан жастары өлеңдер оқып, кештің шырайын ашса, жергілікті жазушылар ізгі-лебіздерін білдірді.
Шараға АМАНАТ партиясы аудандық филиалының төрағасы Мадияр Сәмбетов, аудан әкімінің орынбасары Махпал Досымбекова, аудандық орталық кітапханалар жүйесінің директоры Аида Қалисаева қатысып отырды.
Төлеген Байсүгіров шараға арнайы келген басшыларға алғысын айтып, кітаптарын кітапханаға сыйға тартты