Мектепте жұмыс істемейтін 41 адам 90 миллион теңге жалақы алған
12 мектептен жұмыс істемейтін 41 адамға 90 млн теңге жалақы аударылған. Бұл туралы BAQ.KZ Сыбайлас жемқорлыққа қарсы іс-қимыл агенттігіне сілтеме жасап хабарлайды.
Агенттіктің Атырау облыстық департаменті Превенция басқармасының басшысы Жәнібек Қаражановтың айтуынша, білім саласында сыбайлас жемқорлық бар.
Білім беру саласындағы сыбайлас жемқорлыққа сыртқы талдау жүргізілді. Нәтижесінде, 10-ға жуық дерек анықталды. Осыған байланысты 26 ұсыным енгізілді. Атырау облысындағы 12 мектепте іс жүзінде жұмыс істемейтін 41 адамға жалақы аударылған. Шамамен 90 млн теңге шығын келген, – дейді Жәнібек Қаражанов.
https://baq.kz/mektepte-zhumys-istemeytin-41-adam-90-million-tenge-zhalaqy-algan-312052/?fbclid=IwAR1giM8_a65ut-D-5sytko5JyF083IpAztf6PfiM2UL_rCYPcVAZbvHVLcA