Ақын Қалбай Әбдіраманов өмірден озды

Бұл туралы журналист Жанұзақ Дүйсенбайұлы Facebook-тегі парақшасында хабарлады.

«Ақын, Жазушылар одағының мүшесі Қалбай Әбдіраманов ағамыз пәниден бақиға озды.

Жаңа қана кенже ұлы Бақтыбай аға хабарласып, осы хабарды жеткізді.

Жақсы кісі еді. Рухты, мінезді еді», – деп жазды ол.

Айта кетейік, Қалбай Әбдіраманов 1947 жылы 15 мамырда Қарақалпақстан Республикасының Беруни ауданында туған.  1974 жылдан КСРО Журналистер одағының, 1980 жылдан КСРО Жазушылар одағының мүшесі болды.

Ақынның «Жүректегі жазулар», «Келешекке сапар», «Әму гүлдері», «Сәуір» атты өлеңдер жинақтары бар.