Ораза айтты қалай өткізген дұрыс?

Рамазан айының уақыты айдың фазалық өзгеруіне байланысты айқындалатындықтан, мерекенің нақты күні жоқ. Ораза Айт 2023 жылы елімізде 21 сәуірде басталады деп жазады turkystan.kz.

Мерекенің тарихы

Ораза айт – Рамазан айы аяқталғаннан кейін басталатын берекелі мейрам және бүкіл мұсылман қауымы үшін қасиетті күн. Бұл күн бейбітшілік пен келісімнің жаңа айы. Мұсылман қауымы оразадан кейін Құдайдың дұға-тілектерінің орындалатынына сенеді.

Аталмыш мереке, 624 жылы Мұхаммед пайғамбардың шешімімен белгіленді және ислам күнтізбесінің тоғызыншы айында барлық мұсылмандар үшін қасиетті кітап – Құран және жазбаша Забур, Інжіл, Таурат кітаптары түсті.

Мереке қалай тойланады?

Ораза Айт – Рамазаннан кейін келетін Шәууәл айының алғашқы күні. Ораза Айт Ид- аль- фитр мерекесі деп аталады. Шын мәнісінде, бұл мереке тек бір күнге созылады. Алайда қалған екі күнде мереке күндері болып есептеледі. Көптеген мұсылман елдерде Ораза Айт мерекесі демалыс күні болып аталып өтеді.

Ораза айт күні сәресіге тұрып, ауыз бекіту қажет пе?

Мұсылмандар арасында Ораза Айт намазына барарда әдеттегідей сәресі ішіп, ауызды бекітіп бару керек деген мәлімет кең тараған. Алайда Айт күні Рамазандағыдай сәресі ішудің қажеті жоқ. Шариғатымызда мұндай міндет жоқ. Тек айт намазына шығарда тақ санды: 1, 3, 5, 7… құрма жеп шығу Пайғамбарымыздың (Оған Алланың игілігі мен сәлемі болсын) сүннеті болып табылады.

Егер кімде кім сәресі ішкен болса, немесе айт намазы алдында тамақтанған болса, бұл нәрсеге де тиым салынбаған.