Қазақстанда ең көп таралған фамилиялар белгілі болды

Елімізде ең көп тараған фамилиялар белгілі болды, деп хабарлайды Stan.kz ақпарат агенттігі.

Ұлттық статистика бюросы Қазақстанда қай фамилия ең көп таралғанын айтты.

«Қазақстанда ең көп тараған фамилия – Ахметов(а). Ол 66 091 адамда кездеседі. Рейтингтегі екінші орында Серік — 45 193. Үшінші позицияда — Омаров(а) тегі. Қазақстанда бұл фамилия 40 322 адамда бар. Төртінші орында Оспанов(а) – 36 142», – делінген хабарламада.

ТОП 5-те, сондай-ақ Әлиев(а) тегі бар. Қазақстандағы Әлиевтердің саны – 35 387.

Бұдан әрі көп таралғандардың ішінде Ким – 34 811, Сүлейменов(а) – 29 988, Марат – 28 008, Амангелді – 27 297 және Болат – 24 542 фамилиялары бар.

Естеріңізге сала кетсек, 2022 жылдың 1 қарашасындағы Қазақстан халқының саны – 19 715 782 адам.

https://stan.kz/kazakstanda-en-kop-taralgan-familiyalar-ataldi-375359/