Жолаушыны соққыға жыққан кондуктор: Автопарк басшысы түсініктеме берді
Алматы автопаркінің басшысы жолаушы әйелді соққыға жыққан кондукторға қатысты түсініктеме берді.
«Жолаушы әйелдің айтуынша, оны мас кондуктор ұрған. Аталған дерекке байланысты жолаушы полицияға арыз жазған сондай-ақ, медициналық сараптама жасады. Енді біз құқық қорғау органдарының шешімін күтіп отырмыз. Егер дерек расталса, кондуктор жұмыстан босатылады»,- деді «Green bus» ЖШС басшысы Бауыржан Кулишев. Сонымен қатар, парк басшысы қызметкерлері арасында түсіндіру жұмыстары жүргізілетінін айтты.
Айта кету керек, алматылық келіншекті мас кондуктордың соққыға жыққаны туралы жазған болатынбыз.