Жастар арасында спорттық марафон ұйымдастырылды

Мүмкіндігі шектеулі жастар үшін «Morning work out» тақырыбында өмір сүру сапасын жақсартуға бағытталған спорттық марафон ұйымдастырылды. Марафон аясында бір ай бойы апта сайынғы сауықтыру жаттығуларын өткізіп тұру жоспарлануда. Апта сайынғы жаттығулардың алғашқы апталығы басталып, жастар белсенді түрде қатысты. Акция «Тектұрмас» этно мәдени кешенінінде ұйымдастырылды. Таңғы жаттыңулармен қатар жастар арасында мүмкіншілігі шектеулі жастар үшін арналған тренинг ұйымдастырылып, арнайы сыйлықтар табысталды.
Мақсаты:
— Мүмкіншілігі шектеулі жастар арасында салауатты өмір салтын насихаттау.
-Жастардың денсаулығын шымырлатуға жағдай жасау.
-Таңғы жаттығу жасау дәстүрін қалыптастыру.
-Белсенді өмір сүрудің пайдасы туралы түсіндірме жұмыстарын жүргізу.

М.Х.Дулати атындағы Тараз өңірлік университетінің жастар ісі жөніндегі комитеті, «Инклюзивті білім берудегі психологиялық бейімделу» орталығы бастамасымен, Тараз қаласы әкімдігінің ішкі саясат бөлімі» КММ «Жастар ресурстық орталығы» КММ мемлекеттік әлеуметтік тапсырыс аясында ұйымдастырылды.