29 жастағы қазақстандық Apple компаниясында басшылық қызметке тағайындалды
29 жастағы қазақстандық Әділхан Қопабаев Apple корпорациясының Орталық Азия мен Армениядағы мемлекеттік органдармен байланыс және саясат бөлімінің басшысы болып тағайындалды. Бұл туралы ол әлеуметтік желіде жазды.
«Аpple Inc.-ке Орталық Азия мен Армениядағы мемлекеттік саясат және үкіметтік байланыстар бөлімінің басшысы ретінде қосылғанымды хабарлаймын», — деп жазды ол.
Әділхан Қопабаев туралы не белгілі?
Әділхан Қопабаев 1995 жылы 9 шілдеде Ақтөбеде дүниеге келген. 2017 жылы Оңтүстік Кореядағы Ульсан ұлттық ғылым және технологиялар институтын (UNIST) «инженер-урбанист және технологиялық менеджмент» мамандығы бойынша бітіріп, беделді UNIST Global Uni-Star стипендиясының иегері болды.
2022 жылы Қопабаев Brown университетінде (Провиденс, АҚШ) Мемлекеттік басқару бойынша магистратураны аяқтап, Рокфеллер қорының стипендиясын алды.
Әділхан мансабын Сеулдегі «ҚазАльянс» ҮЕҰ бөлімшесінің басшысы қызметінен бастады, онда 2014 жылдан 2016 жылға дейін жұмыс істеді. Кейін ICON халықаралық консалтингтік ұйымында аға бизнес-сарапшы болды. 2018-2019 жылдар аралығында Қазақстанның еңбек және халықты әлеуметтік қорғау министрінің кеңесшісі қызметін атқарды.
Apple-ге тағайындалғанға дейін Әділхан халықаралық консалтинг және IT-компанияларда жұмыс істеді. 2023 жылдан бастап Қазақстанның Энергетика министрлігі жанындағы «Мұнай және газ ақпараттық-талдау орталығы» АҚ-ны басқарды және «Қазақстанның отын-энергетикалық кешенінің ситуациялық-талдау орталығының» басқарма төрағасы болды.
2024 жылы Қопабаев Қазақстан Президенті жанындағы жастар саясаты жөніндегі кеңестің құрамына кірді.
Ол үйленген, екі баласы бар.
Massaget.kz тілшісі.
Фото: instagram.com/adilkhankopabayev