2-4 маусым күндері «Тараз-қолөнершілер қаласы» II халықаралық қолөнершілер көрмесі өтеді

Аталған іс-шараның ұйымдастырушысы Жамбыл облысы әкімдігі.

Көрмеге Азия-Тынық мұхиты, Орталық Азия, Еуропа, Таяу Шет елдер мен Қазақстанның қолөнершілері қатысады.

Шақырылған қолөнершілердің жалпы саны — 250.

Сондай-ақ, халықаралық қолөнершілер қауымдастықтарының, халықаралық сарапшылардың, туризм саласындағы мемлекеттік және мемлекеттік емес ұйымдардың өкілдерінің қатысуы күтілуде.

Іс-шараның мақсаты-өңірдің туристік имиджін ілгерілету, отандық қолөнершілерді халықаралық деңгейде танымал ету, жақын және алыс шетелдерден келген өнер шеберлері арасында тәжірибе алмасу.

Көрме аясында:

• кәдесыйларды сату жәрмеңкесі;

• қолөнершілер байқауы;

• «Көне Тараз» жас қолөнершілер байқауы;

• концерттік бағдарлама, театрландырылған көрініс;

• дөңгелек үстел;

• БАҚ үшін баспасөз конференциясы;

• сырттан келген қонақтарды өңіріміздің тарих және мәдениет нысандарымен таныстыру мақсатында экскурсиялық турлар ұйымдастырылатын болады.

«Көне-Тараз» тарихи-этномәдени кешеніндегі «Галерея» мен «Көрме залы» ғимараттарында және кешен алаңында арнайы орналастырылған шатырларда қолөнершілер жәрмеңкесі өткізіледі. Сонымен қатар, осы кешенінің алаңында 5 киіз үй тігіледі.

«Көне Тараз» балалар мен жасөспірімдер арасында қолөнер байқауының ережесі дайындалып, байқаудың бірінші кезеңі қазіргі кезде өткізілуде. Осы конкурстың қорытындысы «Көрме залы» ғимаратында өткізіледі, яғни конкурсқа қатысушылар сыйлықтар және алғыс хаттармен марапатталатын болады.

https://kaz.zakon.kz/6025960-24-mausym-knder-tarazolnershler-alasy-II-khalyaraly-olnershler-krmes-ted.html