Үш ауысымдағы мектептер мәселесін шешу тапсырылды
Елбасы Нұрсұлтан Назарбаев Қазақстан халқына арналған Жолдауында үш ауысымдағы мектептер мәселесіне нүкте қоюды тапсырды.
«Бізде мектептер тапшылығы бар, сонымен қатар үш ауысымдағы мектеп жойылған жоқ. Сондықтан 2019-2021 жылдары осы жұмыстарға қосымша 50 млрд теңге бөлінеді. Атап айтқанда, үш ауысымдағы мектептер мәселесін шешіңіздер», — деді Елбасы Үкімет мүшелеріне қарата айтқан сөзінде.
Осы орайда Президент мектеп құрылысын ең қажетті деген елді мекендерде салу керектігін қадап айтты.