Ұлыстың ұлы күніне орай жарыс өтті

Жамбыл облысы бойынша Қылмыстық-атқару жүйесі департаментіне бағынысты №25 мекемеде сотталғандар арасында 22 наурыз – Ұлыстың ұлы күніне орай спорттық іс-шара өтті.

Спорттық іс-шараға жазасын өтеуші азаматтар белсене қатысып, спорттың 4 түрі бойынша бақ сынасты.

Шара барысында мекеме бастығы, әділет подполковнигі Бекзат Ортаев қатысушыларды мерекемен құттықтап, бұл күннің маңызын түсіндіріп, тарихымен таныстырды.

Әрі қарай сотталғандар қол күресі, қашықтыққа жүгіру, үстел тениисі мен шахмат ойынынан жарысқа түсті. Аталған іс-шараға белсене қатысқан сотталғандар алғыс хатпен марапатталды.

– Жарыс қызықты өтті. Әсіресе, қол күресі кезінде қатысушылар намысқа тырысып бақты. Біраз көңіліміз көтеріліп қалды. Бүгінгі ұйымдастырған іс-шара үшін мекеме қызметкерлеріне алғысымыз зор, – дейді жарысқа қатысқан сотталған.