Теңге нығайып жатыр

Қазақстан қор биржасындағы (KASE) күндізгі сауда қорытындысы бойынша бір доллардың орташа бағамы 508,42 теңгені құрады. Осылайша 0,12 теңгеге арзандады, деп хабарлайды turkystan.kz.

Ұлттық банктің бүгінгі күнге бекіткен ресми бағамы 508,50 теңге.

Kurs.kz сайтының мәліметінше қазір Алматыдағы ақша айырбастау пунктерінде бір доллар 510,86 теңгеден, Астанадағы ақша айырбастау пунктерінде 512,71 теңгеден сатылып жатыр.

Айта кетейік, кеше биржада доллар бағасы 508,5 теңгені құрап, 1,66 теңгеге арзандаған болатын.