Таразда антитеррористік оқу-жаттығу өтті

Бүгін Тараз қаласында «Мамыр-Антитеррор-2021» терроризмге қарсы оқу-жаттығуы өткізілді.

Іс-шара барысында ескерту жүйелерін жетілдіру, штабтың террористік сипаттағы қатерлерге ден қоюға дайындығы, терроризм актісінің салдарын азайту және жою мәселелері пысықталды.

Оқу-жаттығу жұмыстары аясында арнайы жедел топ кепілге алынған адамдарды босату және лаңкестерді бейтараптандыру операциясын өткізді. Жаттығудың мақсаттары мен міндеттері толығымен орындалды.

Іс-шараға атсалысқан мемлекеттік органдардың күштері мен құралдары террористік қауіп-қатерлерді ауыздықтау бойынша өзара әрекеттестіктің жоғары деңгейін көрсетті.