«Отанды қорғау – ұлы қызмет» – полковник Марат Рахпанов

«Отан қорғаушы» сөзі ғасырлар бойы терең мағына мен қасиетті түсінікке ие. Отан қорғаушылар әрқашан патриотизм мен халқына адал қызмет етудің, ар мен намыс, батылдық пен ерліктің символы болды, өйткені жер бетінде өз еліне, халқына қызмет етуден жоғары миссия жоқ. Осы орайда turkystan.kz сайтының тілшісі ҚР ІІМ Ұлттық ұланы 6506 әскери бөлімнің командирі, полковник Марат Рахпановтан пікір алған болатын.

«Біздің халықта Отан қорғаушылар күні мен Ұлы Отан соғысындағы Жеңістің 80 жылдығының жақындауы еліміз, оның тарихы және Отанына адал қызмет еткендер үшін мақтаныш сезімін қайтадан оятады. Бұл күн – біздің жеріміздің қорғаушыларының батылдығы мен табандылығын білдіретін мереке ғана емес, сондай-ақ бейбіт аспан үшін өмірлерін қиғандарды еске алатын маңызды кезең.

1945 жылдың 9 мамырында халқымыз фашизмді жеңді, және бұл күн миллиондардың жүрегінде мәңгілікке қалады. Біз еліміздің бостандығы мен тәуелсіздігін қорғаған батырлардың рухын ұлықтаймыз және олардың ерліктері бізді Отанымызға қызмет етуге шабыттандыратындығына мақтанамыз. Ұлы Отан соғысының ардагерлері – ерлік пен рух күшінің тірі бейнесі, және біз жас ұрпаққа олардың мұрасын сақтауымыз керек», – дейді ол.

Қазақстан Республикасының Ұлттық ұланы, оның ішінде 6506 әскери бөлімі мемлекеттің қауіпсіздігін қамтамасыз ету мен оның мүддесін қорғауға белсенді қатысып келеді. Бөлімнің қызметі тек әскери тапсырмаларды орындау ғана емес, сонымен қатар тұрақтылық пен қоғамдық тәртіпке үлес қосу.

«Біздің әрқайсымыз, лауазымына қарамастан, Отанымызды және оның азаматтарын қорғауға ортақ іске үлес қосамыз. Мерекелер қарсаңында патриоттық тәрбиені, әскери бауырластықты нығайту мен еліміздің тарихына құрмет көрсетуге бағытталған көптеген іс-шараларды өткіземіз. Біз ардагерлермен белсенді жұмыс істеп, естелік акцияларына қатысып, көмекке мұқтаждарға қолдау көрсетеміз. Бұл тек борыш емес – бұл Отан қорғаушылары ретінде біздің міндетіміз.

Біз ұлы тарихтың бір бөлігі болғанымызды мақтан тұтамыз және алдыңғы буындардың дәстүрлерін жалғастырамыз. Біз жастарды оқытып, оларға қызметтік міндеттерін тиімді орындау үшін қажетті білім мен дағдыларды береміз. Біздің күшіміз – бірлікте және ынтымақтастықта, және әрқайсымыз қиын уақыттарда бір-бірімізге сүйенетінімізді білеміз. Осы айтулы Отан қорғаушылар күні жерімізді қорғағандарға құрмет белгісі әрі олардың ісін жалғастыруымыз керек екенін еске салатын күн болсын. Біз еліміздің қауіпсіздігін қамтамасыз ету үшін бар күшімізді саламыз, болашақ ұрпақтар үшін бейбітшілік пен тұрақтылықты сақтаймыз», – дейді ол.

Полковник сөз соңында әріптестеріне жылы лебізін жолдады.

«Мемлекеттік мерекелер – Отан қорғаушылар күні мен Жеңіс күні қарсаңында, погон таққан, Отан қорғау – жүрек таңдауы, кәсібі болған азаматтарды шын жүректен мерекемен құттықтаймын. Бүгін қазіргі заманғы Отан қорғаушыларына патриотизм мен батылдықтың үлгісі саналатын Ұлы Отан соғысының ардагерлеріне, еңбек ардагерлеріне, ішкі істер органдары мен Ұлттық ұланның ардагерлеріне ерекше алғысымызды білдіреміз. Оларға мықты денсаулық пен ұзақ ғұмыр тілейміз!», – деді ол.