ӘЙЕЛДЕРГЕ АРНАЛҒАН КЕҢЕС БЕРУ БӨЛІМШЕСІ АШЫЛДЫ
Бүгінде ұлт денсаулығын нығайту — мемлекеттік саясаттың басым бағыты екені анық. Мемлекет басшысы Қасым-Жомарт Тоқаев заң мен тәртіпті құрумен қатар, халықтың денсаулығын қорғау мәселесін ерекше атап өтті.
Осы орайда, бүгін аудандық орталық аурухананың жанынан әйелдерге арналған кеңес беру бөлімшесі ашылды. Ашылу салтанатына қатысқан медицина саласының ардагері, қалалық алқабилер кеңесінің төрағасы Сағынбек Бегеев пен аудан әкімдігінің ішкі саясат бөлімінің басшысы Ұлбике Сәлімова құттықтау сөз сөйлеп, жаңа орталықтың ауданымыз үшін өзекті екенін тілге тиек етіп, бөлімшенің жұмысына сәттілік тіледі. Сонымен қатар, аудандық орталық аурухананың бас дәрігері Айнұр Каликова жаңа орталықтың мүмкіндіктері туралы баяндады.
Айта кетейік, орталықта әйелдер консультациясы 15 пен 49 жас аралығындағы әйелдерге, жүкті және босанған аналарға арналған. Консультацияда әйелдерде онкологиялық ауруларды ерте анықтау, анықталған патологиялар кезінде оңалту ұйымдастыру, жүкті әйелдерге антенаталдық көмек көрсету және босанғаннан кейінгі кезеңде әйелдерді қолдау жұмыстары жүргізіледі.
Бұл үшін кабинет қажетті мамандармен және заманауи құрал — жабдықтармен толық қамтамасыз етілген.
Сарысу ауданы