Алдағы күндері Қазақстанның басым бөлігінде аптап ыстық күшейеді. Синоптиктердің мәліметінше, кей өңірлерде ауа температурасы +40…+45°C-қа дейін жетеді. Сонымен қатар бірқатар аймақта найзағай, қатты жел және шаңды дауыл болуы мүмкін.
Синоптиктердің болжамынша, республика аумағының көп бөлігінде ауа температурасы айтарлықтай жоғарылайды. Ең ыстық ауа райы елдің оңтүстік, орталық және батыс өңірлерінде күтіледі. Бұл аймақтарда сынап бағаны +45°C-қа дейін көтерілуі мүмкін. Солтүстік облыстарда да +35…+39°C аралығындағы қатты ыстық сақталады.
«Қазгидромет» мәліметіне сәйкес, ыстықтың күшеюіне жылы ауа массаларының келуі себеп. Дегенмен, ауа райы тұрақсыз болып қала береді. Батыс, солтүстік, орталық және шығыс өңірлерде өткінші жаңбыр, найзағай, бұршақ, екпінді жел күтіледі.
Мамандар тұрғындарға күннің ең ыстық уақытында сыртта ұзақ жүрмеуге, көбірек су ішуге, бас киім киюге және балалар мен жануарларды жабық көлікте қалдырмауға кеңес береді.
Фото: ашық дереккөз
https://newsroom.kz/93374/aza-stan-a-aptap-ysty-ayta-oralady-aua-temperaturasy-450c-a-deyin-k-teriledi?fbclid=IwY2xjawTNs2pleHRuA2FlbQIxMQBzcnRjBmFwcF9pZBAyMjIwMzkxNzg4MjAwODkyAAEe3HAdBUzka-G1xeAb6fOvujzxD-eUHwjPHgnYtHFEMXMootU4wBndfta8lWQ_aem_esu8jWOOMwVD4hWFr3ZpPw