Кран-Монтана тау-шаңғы курортындағы өрт салдарынан көптеген адам қаза тапты

Мемлекет басшысы Швейцария Президентіне көңіл айту жеделхатын жолдады, деп хабарлайды turkystan.kz.

Қасым-Жомарт Тоқаев Кран-Монтана тау-шаңғы курортындағы өрт салдарынан көптеген адамның қаза табуына байланысты Швейцария Конфедерациясының Президенті Ги Пармеланға көңіл айтты.

Қазақстан Президенті жақындарынан айырылған азаматтардың қайғыларына ортақтасып, жарақат алған адамдардың тезірек сауығып кетуіне тілектестігін білдірді. Сондай-ақ еліміз осы қиын-қыстау сәтте Швейцария халқын қолдайтынын жеткізді.