Каспий құбыр консорциумына шабуыл: Қазақстан СІМ наразылық білдірді

СІМ

https://turkystan.kz/article/271972-kaspii-qubyr-konsorciumyna-sabuyl-qazaqstan-sim-narazylyq-bildirdi
Қазақстан Сыртқы істер министрлігінің ресми өкілі Айбек Смадияров Каспий құбыр консорциумына жасалған шабуылға байланысты мәлімдеме жасады.

«Министрлік Новороссийск теңіз порты акваториясында халықаралық Каспий құбыр консорциумының аса маңызды инфрақұрылымына бағытталған кезекті мақсатты шабуылға байланысты наразылық білдіреді», — делінген хабарламада.

Мнистрліктің айтуынша, бұл оқиға халықаралық құқық нормаларымен қорғалатын азаматтық нысанға қарсы жасалған үшінші агрессиялық акті болып отыр.

«Осы оқиғаны Қазақстан мен Украинаның екіжақты қатынастарына залал келтіретін әрекет ретінде бағалаймыз және украин тарапы мұндай жағдайлардың қайталануына жол бермеу бойынша нақты шаралар қабылдайтынын күтеміз», — деді министрлік.

Министрілік Каспий құбыр консорциумы әлемдік энергетикалық жүйенің тұрақтылығын сақтауда айрықша орын алатынын атап өтті.

Каспий құбыр консорциумына бір аптада екі шабуыл болды.

КҚК Қазақстан мұнай экспортының 80%-ын жүзеге асырады, ал мұнай ел бюджетінің негізін құрайды.

Толық нұсқасына гиперсілтеме беруді ұмытпаңыз: https://turkystan.kz/article/271972-kaspii-qubyr-konsorciumyna-sabuyl-qazaqstan-sim-narazylyq-bildirdi