Жетісуда 83 жастағы қария тауда адасып кетті

Видеодан скриншот

https://turkystan.kz/article/266437-zetisuda-83-zastagy-qariia-tauda-adasyp-ketti
Жетісу өңірінде 83 жастағы зейнеткер тауда адасып кетті, қуанышқа орай, құтқарушылар оны тауып алды, деп хабарлайды Төтенше жағдайлар министрлігінің баспасөз қызметі.

«Бүгін Жетісу облысы Панфилов ауданындағы Сарыбел ауылынан 35 шақырым жердегі «Қылдыққарағай» учаскесінде 1942 жылы туған азаматты табу мақсатында жедел-іздестіру шаралары басталды. Ол 28 тамызда үйінен шығып кетіп, қайтып оралмаған», — делінген ведомство хабарламасында.

Іздеу жұмыстарына ТЖМ күштері жұмылдырылып, дронның көмегімен аумақты шолу жүргізілді.

Көп ұзамай іздестіру тобы Сарыбел ауылынан 15 шақырым жердегі таулы жерден қарт адамды тапты.

Ол медициналық көмекке мұқтаж болмады, үйіне жеткізілді.

Толық нұсқасына гиперсілтеме беруді ұмытпаңыз: https://turkystan.kz/article/266437-zetisuda-83-zastagy-qariia-tauda-adasyp-ketti