⚜️Т.ЖҮРГЕНОВ АТЫНДАҒЫ ІШКІ ТЕАТР ФЕСТИВАЛІНІҢ АШЫЛУЫ ӨТТІ

27 наурыз — Халықаралық театр күні. Аталған мереке мен көрнекті қоғам және мемлекет қайраткері Т.Жүргеновтің 125 жылдығына орай “Т.Жүргенов атындағы ішкі театр фестивалі” басталды.

Фестивальдің ашылу салтанатына облыс әкімдігінің мәдениет, архивтер және құжаттама басқармасының басшысы Ерлан Жүнісбай және Т.Жүргенов атындағы Өнер академиясынан арнайы келген театр сыншылары қатысты. Олар ең әуелі қазақтың тұңғыш кәсіби режиссері Асқар Тоқпановтың ескерткішіне гүл шоқтарын қойды.

Айта кетейік, фестиваль аясында А.Тоқпанлв атындағы қазақ драма театрының артистері екі күн бойы 6 қойылым сахналайды.