“Жасыл ел” еңбек жасақтары жазғы еңбек маусымының ашылу салтанаты өтті

«Жасыл ел» еңбек жасақтары студенттерді жазғы демалыс уақытында маусымдық жұмыспен қамтумен қатар, олардың бос уақытын тиімді ұйымдастыру, мемлекеттік жастар саясатын жүзеге асыруда белсенді атқарылып келеді.
«Жасыл ел» еңбек жасақтарының ықпалымен облыс жастары жұмылдырылып, айналаны көгалдандыруға, қала, аудан, ауыл маңдарын, көшелерін тазартуға, спорттық кешендер мен өзен жағалауларын қалпына келтіруге, саябақтар мен құрылыс алаңдарын тазартуға атсалысатын болады.
⠀
Тек бұл емес, барлық нысандарда студент жастар арнайы жатын орындармен, арнайы киім үлгісі және қажетті құрал-жабдықтармен қамтамасыз етіліп, олар үшін ыстық тамақ ұйымдастырылмақ. Жастардың жұмыстан тыс бос уақыттарын тиімді өткізу мақсатында әрбір құрылыс жасақтары арасында түрлі спорттық, мәдени шаралар өткізілмек.