Жасұландықтар форумы
Ұлттық және жалпы азаматтық құндылықтарға сәйкес рухани дүниесі кең тұлғаны қалыптастыру, балалар мен жасөспірімдерді қазақстандық патриотизм рухында тәрбиелеу мақсатында бүгін Талас ауданы білім бөлімінің қолдауымен, Балалар мен жасөспірімдер орталығының ұйымдастыруымен «Ұланымыз ұлы елдің!» атты Жас Ұлан біріңғай балалар мен жасөспірімдер ұйымы көшбасшылары арасындағы аудандық қабылдау форумы өткізілді.![]()
Форумда Талас ауданы білім бөлімінің әдіскері С.Сағынбекова сөз сөйлеп, құттықтау сөзін арнады.
Аудандық Ардагерлер кеңесінің төрағасы Ж.Әсемов, ардагерлер кеңесінің төрағасының орынбасары Қ.Нұрпейісов, ардагер-ұстаз І.Нұрұлы, «Ұлт мақтанышы» атағының иегері, үздік өлкетанушы С.Абсадық, «Жастар ресурстық орталығының» директоры Н.Манатбеков, «Ұлбике ақын» атындағы мәдениет үйінің директоры Ж.Мырзамбетова, «Жұлдыз» аула клубының оқу ісі жөніндегі орынбасары Рахымбердиева Рысбала Советқызы, ППТК директоры Ж.Наримбетова қатысты.![]()
Форумға шақырылған құрметті азаматтар құттықтау сөз сөйлеп, мектеп тәлімгерлері мен белсенді Жас Ұландықтарды марапаттады.
Форум барысында Мектеп Лицейдің оқушылары әдеби-монтаж оқып, балалар мен жасөспірімдер орталығының мың бұралған бишілері «Батырлар» биін билеп шықты.
Аудан мектептерінен қабылдауға 5 сынып оқушылары алынып, А.Байтұрсынұлы гимназиясының оқушысы Сейсенбек Бақдәулет ант қабылдап , салтанатты түрде галстук, төсбелгілері тағылды.
Мектеп – Лицей оқушыларының орындауындағы «Жас Ұландықтар» әнімен форум өз мәресіне жетті.