ТАРАЗ МӘДЕНИЕТ МЕКЕНІ
Шаһар басшысы Бақытжан Әмірбекұлының қала мәдениетіне байланысты тапсырмасына сәйкес, бүгін қала әкімінің орынбасары Қайрат Исмаилдың төрағалығымен «Тараз – мәдениет мекені» атты 2024-2026 жылдарға арналған Тұжырымдаманың іске асырылу барысы жөнінде кеңес өтті.![]()
Басқосуда әуелі Тараз қаласы әкімдігі ішкі саясат бөлімі басшысының міндетін уақытша атқарушы Бағлан Абилдаева сөз алып, жоба аясында атқарылған жұмыстар туралы баяндады.– Аталған тұжырымдаманың іс-шаралар жоспары 3-тараудан, 144 тармақшадан тұрады. Оның ішінде қалалық білім бөліміне қатысты 34, мәдениет және тілдерді дамыту бөліміне 41, тұрғын жай-коммуналдық шаруашылық, жолаушы көлігі және автомобиль жолдары бөліміне 16, кәсіпкерлік, өнеркәсіп және туризм бөліміне 16, басқа бөлімдерге 37 іс-шара бекітілді, – деген Бағлан Оңғарқызы қазіргі таңда барлық бөлім тарапынан ағымдағы жылға бекітілген іс-шаралар жоспарға сәйкес орындалып жатқанын жеткізді.
Кеңесті қорытындылаған Қайрат Әбілханұлы Тұжырымда шеңберінде бекітілген жұмыстарды тағы да жандандырып, одан әрі күшейтуді жүктеді.