Павлодар облысында алдағы бес жылда 10 мың жұмыс орны ашылады
Өңірлік пулда үш триллион теңгеден астам сомаға 140 инвестициялық жоба енгізілген.
Облыстық кәсіпкерлік және индустриялық-инновациялық даму басқармасының басшысы Людмила Құрманованың айтуынша, өңірлік пулға өңдеу өнеркәсібі, энергетика, агроөнеркәсіп кешені және туризм саласындағы жобалар енгізілген. Күрделі 40-тан астам жоба өнеркәсіп саласына қатысты. Ең ірі үш жоба Екібастұз қаласында жүзеге асырылады, үш ферроқорытпа зауытында 1675 жұмыс орны құрылады. Сондай-ақ, келесі жылы темір жол кластері саласында 535 жұмыс орнына есептелген кешенді іске қосу, 1000-нан астам жұмыс орнына арналған электрометаллургия зауытының құрылысы жоспарланып отыр.
– «Павлодар» АЭА аумағында «ЕГМК» компаниясы құрамында алтыны бар концентраттарды қайта өңдеу жөніндегі жаңа жоба шеңберінде 500-ден астам жұмыс орнын ашу көзделіп отыр. Алдағы бес жылда 10 мыңға жуық жұмыс орны құрылады, – деді Людмила Құрманова.
Аймақ басшысы қалаларда өнеркәсіп дәстүрлі түрде дамып келетінін, бірақ ауылдық жерлер де назардан тыс қалмауы тиіс екенін атап өтті.
– Жақында екі жоба жүзеге асырылып жатқан Қалқаман ауылында болдық. Мұндай жобаларды пулға қосу және бақылау, барлық жағынан қолдау маңызды. Себебі, жұмыс орындарын ашу – біздің басты міндеттеріміздің бірі және тұрғындардың әл-ауқаты осыған байланысты. Егер де ауылдарда қандай да бір жұмыс орындарын ашуға тырыссақ, қалалық жерлерде мамандарды ұстап тұру үшін еңбекақысы 400-500 мың теңгеден жоғары жұмыс орындары қажет, – деп атап өтті Асайын Байханов.
Облыс әкімі өңірлік жұмыспен қамту картасына енгізілген жобалар бойынша сұрақтар мен ұсыныстарды жан-жақты жинап, талқылап, үнемі бақылауда ұстауды тапсырды.
turkystan.kz