Қайырымдылық — қайырлы іс

Қайырымдылық тек жеке дара адамдарға ғана жасаумен шектелмейді.
Сонымен қатар қоршаған орта мен жалпы халық үшін де жасалуы әбден мүмкін.
Қазіргі таңда Сарысу ауданында елдің игілігі үшін осындай қайырымдылық жұмыстары жасалуда.
Осындай игі іс Тоғызкент ауылдық округінде жалғасын тапты.
Ұлттық мереке қарсаңында жеке кәсіпкер Талғат Түсіпбековтың демеушілігімен Аманжолова Жадыраның үйіне табиғи газбен жылыту жүйесін орнатып, ағымдағы жөндеу жұмыстары жүргізілді. Сондай-ақ балаларға қыстық киімдер сыйға тартты.
Ауылдық округтегі Спорт мектебі, «Түгіскен»орта мектебі, дәрігерлік амбулатория,саз мектебінің ұжымы, Жастар ресурстық орталығының ұжымы да ат салысты.

Тоғызкент ауылдық округі