Ертең «Grand bazaar» сауда кешенінде жәрмеңке өтеді

21 қазан, сенбі күні «Republic Day» акциясы аясында төмендетілген бағада ауыл шаруашылығы өнімдерінің жәрмеңкесі «Grand bazaar» сауда кешенінде өтеді.

Жәрмеңкеге Байзақ, Жамбыл, Жуалы, Қордай, Меркі, Шу аудандары мен Тараз қаласы тауар өндірушілерінің өнімдері жеткізілген.

Жәрмеңкеде жалпы құны 38,0 млн. теңгені құрайтын 52,7 тонна ауыл шаруашылығы тауарлары ұсынылуда. Оның ішінде 8,0 тонна ет (жылқы, сиыр, қой және тауық еті), 2,5 тонна шұжық өнімдері, 4,6 тонна сүт өнімдері, 6 мың дана жұмыртқа, 0,5 тонна кондитерлік өнімдер мен 2,4 тонна макарон өнімдері, 1.1 тонна балық, 2,0 тонна ұн, 2,6 тонна бал және 29,0 тонна жеміс-жидек пен көкөніс өнімдері бар.

Аталған жәрмеңке облыстың тауар өндірушілеріне өз тауарларын делдалсыз, тікелей тұтынушыларға сатуға мүмкіндік береді.

Құрметті қала тұрғындары! Келіңіздер, күзгі жиын-терін өнімдерін төмен бағада алуға үлкен мүмкіндік.