«Бурыл» тұрғын алқабына асфальт төселуде

Экономиканың күретамыры саналатын жол қашанда айрықша маңызға ие. Тараз қаласында да бұл бағытта ауқымды жұмыстар атқарылуда. Әсіресе, талай жылдан бері жол игілігін көрмеген аумақтарға ерекше екпін түсірілуде. Солардың бірі – «Бурыл» тұрғын алқабы.

Аталған алқапта жуырда жол жөндеу жұмыстары басталған еді. Қазіргі құрылыс жұмыстары қызу жүруде. Күні кеше «Бурыл» алқабының Сәду Шәкіров көшесіне асфальт төсеу басталды. Мердігер мекеме – «Арайстроймаркет» ЖШС.
Алқап тұрғындарының сұранысын ескере отырып, биыл негізгі қоғамдық көлік қатынайтын жолдар орташа жөндеуден өтеді. Қалған жұмыстар 2024 жылға жоспарлануда.

Осылайша бурылдықтардың көптен күткен тілегі орындалуда.
Қазір мұндағы құрылыс басында 10-ға жуық техника мен 20-дан аса адам еңбек етуде.

Тараз қаласы әкімдігі