Аружан Саин «Қазақстан халқына» қорының қамқоршылық кеңесінен шықты

Бала құқықтары жөніндегі уәкіл Аружан Саин «Қазақстан халқына» қорының қамқоршылық кеңесінен шығу туралы шешім қабылдады деп хабарлады turkystan.kz.

Оның айтуынша, қор басшысы Саида Тәукелева да осындай шешім қабылдаған.

«Бүгін «Қазақстан халқына» қорының қамқоршылық кеңесінің отырысында мен қамқоршылық кеңестен шығу туралы шешім қабылдадым, мұндай шешімді Саида Тәукелева да қабылдады. Мемлекет басшысы Қасым-Жомарт Кемелұлы Тоқаевқа сенімі үшін және қамқоршылық кеңес мүшелеріне бірлескен жұмысы үшін зор алғысымды білдіремін» деп жазды Саин Facebook-те.

Ол қордың түрлі жобаны жүзеге асырып жатқанын айтты. 142,5 млрд теңгенің 14,6 млрд теңгесі игерілді (сайттағы есепке сәйкес).

«Сонымен бірге, қамқоршылық кеңестің жекелеген мүшелері мен басқарма арасында қамқоршылық кеңес отырыстарына шығарылатын жобаларды, оларды іске асыру нысандарын дайындау және негіздеу бойынша жекелеген мәселелер бойынша қор жұмысын ұйымдастырудың әртүрлі көзқарасы бар. Егер басқармаға менің көмегім қажет болса, мен «Қазақстан Халқына» қорына көмектесуге дайынмын және бұл үшін қордың қамқоршысы болуым міндетті емес» деп жазды омбудсмен.

Сондай-ақ, ол Қазақстандағы бала құқықтары жөніндегі уәкіл болып қала беретінін айтты.

https://turkystan.kz/article/208587-aruzhan-sain-kazakstan-halkyna-korynyn-kamkorshylyk-kenesinen-shykty/