Бүгүн, Ош шаарынын мэринин биринчи орун басары Марс Исаев менен Казакстан Республикасынын Тараз шаарынын мэриясынын акиминин орун басары Дауир Даулетов жолугушуп, эки тараптуу кызматташуу маселелерин талкуулашты.
Өз сөзүндө Марс Исаев Ош шаарынын 3 миңден ашуун тарыхы бар Ош жөнүндө кыскача баяндап, Ош шаарынын мэриясы казак тарап менен келечектүү долбоорлорду түзүүгө даяр экендигин билдирди.
Дауир Даулетов кыргыз-казак бир тууган калк экенин белгилеп, 2 миң жылдык тарыхы бар Тараз менен Ош шаары ортосунда достукту бекемдөө, өз ара мамилелерди чыңдоого багытталган иш-аракеттерди жүргүзүү ниетин билдирип, Кыргыз Республикасынын Көз карандысыздык күнү менен куттуктады.
Жолугушуунун соңунда, тараптар мындан аркы эки тараптуу кызматташтыкты өнүктүрүү жана бекемдөө боюнча макулдашышты.
Маалыматтык камсыздоо бөлүмү