Қарағандыдағы «Жаңа Қарағанды» станциясында қайғылы жағдай болды. 3 мамыр күні сағат 02:03 шамасында жол жөндеу жұмысшысын пойыз қағып кеткен.
Қарағанды станциясының желілік полиция бөліміне дереу хабар берілген. Мән-жайды анықтау үшін оқиға орнына арнайы комиссия жіберілді. Комиссия құрамында «Қазақстан темір жолы» ұлттық компаниясының бас инженері Рамазан Садырқұлов та бар.
Компания басшылығы бұл жағдайды ерекше бақылауға алып, қауіпсіздік және еңбекті қорғау талаптарының сақталуын тексеру жұмыстарын бастады.
Қазіргі уақытта оқиғаның нақты себептері анықталып жатыр.