Beta буыны өкілдері 2010-2024 жылдар аралығында дүниеге келген Alpha буынының орнын басады.

Зерттеуші Марк МакКриндлдің айтуынша, Beta буыны өкілдері “ауыр әлеуметтік мәселелермен күресетін әлемде” өмір сүреді.

«Климаттың өзгеруін, жаһандық көші-қонды және жылдам урбанизацияны ескерсек, тұрақты даму тек артықшылық емес, күтуге айналады», – деп жазды МакКриндл.

МакКриндлтің сөзінше, 2035 жылға қарай Бета ұрпағы әлем халқының 16 пайызын құрайды. Сондай-ақ бұл ұрпақтың жасанды интеллект басқаратын әлемде өмір сүретінін мәлімдеді.

«Бета ұрпағы жасанды интеллект пен автоматтандыру білім мен жұмыс орнынан бастап денсаулық сақтау және ойын-сауыққа дейін күнделікті өмірге толығымен біріктірілген дәуірде өмір сүреді», – деді зерттеуші.

МакКриндлдың айтуынша, Beta ұрпағының ата-аналары (негізінен Z буыны) әлеуметтік медианы пайдалануда бұрынғыларға қарағанда басқаша көзқараста болуы мүмкін.

«Мыңжылдық ата-аналар балаларының өмірін құжаттау үшін әлеуметтік желілерді пайдаланғанымен, Z ұрпағы әлеуметтік желілерді ерте жастан қолданудың жағымды жақтары мен қиындықтарын жақсы біледі», – деді ол.

Ұрпақтарды зерттеуші Джейсон Дорси Beta ұрпағы пандемиядан кейінгі әлемде дүниеге келетінін бұрыннан білгенін мәлімдеді.

“Бета ұрпағы есейген кезде, X (1965-1980 жылдары туғандар) ұрпағы  климаттың нашарлауы сияқты өзекті мәселелермен айналысатын демографиялық топ болады”, – дейді әлеуметтік медиа.

Фото: pixabay

https://stan.kz/alpha-nin-ornin-beta-basadi-2025-zhili-adamdardin-yrpag-411886/