Алматыда 105 жастағы әжейге күрделі ота жасалды
Алматыда травматолог дәрігерлер 105 жастағы қарт әжеге сәтті ота жасады деп хабарлады turkystan.kz.
Қалалық басқарманың мәліметінше, жасы 100 жылдық межеден асқан, ауыр жарақат алған науқас сәтті жасалған отадан кейін үйіне шығарылды.
Сайкүл Кейдарова 105 жаста. Өз дәуірінде, ел тарихында тұтас бір дәуірді көрген алматылық қарт әже жамбас сүйегінің жоғарғы бөлігін сындырып, №7 ҚКА-ға шұғыл түрде жеткізілді. Хирургиялық операциясыз ол бұл ауырсынуды көтере алмауы және бұл диагноз өлімге әкелуі мүмкін еді.
Политравма бөлімшесінің меңгерушісі Рамазан Аскеровтың айтуынша, 1918 жылы туған пациентті жан-жақты аспаптық тексерулерден өткізгеннен кейін, орнынан жылжыған жамбас сүйегінің жарықшақтанған сынығына ота жасалады.
Заманауи аз жарақатты хирургиялық араласу жүргізілді: жабық репозиция, жамбас сүйектің проксимальды бөлігін сүйек сынығын бекіту, гамма өзегі. Пациент ота жасалғаннан кейін 2-ші күн өткеннен кейін тірек арбаға сүйеніп аяғына тұрды.
«Біз пациенттің өмірі үшін үлкен жауапкершілікті сезіндік және жас ерекшелігіне байланысты ағзасы анестезияны қалай қабылдайтынына уайымдадық. Өз тарапымыздан әженің өз аяғымен үйіне оралуы үшін барлық мүмкіндікті жасадық», – деп атап өтті №7 ҚКА-ның реанимация бөлімшесінің меңгерушісі Есенай Еспенбетов.
Айта кету керек, жабық жамбас сынықтары тірек-қимыл аппаратының ең ауыр жарақаттарының бірі болып саналады. Көбіне олар қатты ауырсыну синдромымен, көп қан жоғалтумен бірге жүреді және шұғыл ауруханаға жатқызуды қажет етеді.
«Сайкүл әже ота жасау кездегі қиыншылықтарды жақсы көтерді, операциядан кейінгі кезеңде жақсы көңіл-күйде болды, ол дәрігерлер мен 7 қалалық аурухананың басшылығына шын жүректен алғысын жаудырып, батасын берді», – делінген хабарламада.
https://turkystan.kz/article/217104-almatyda-105-zhastagy-ezheyge-kurdeli-ota-zhasaldy/