Алдағы демалыста көріңіз: ТОП-5 дорама

On Июн 15, 2023

sanzhar 4 3 — Фото: rollingstoneindia.com

Оңтүстік Корея мемлекеті кино саласында ай сайын көрерменін жаңа туындылармен қуантып жатыр. Уақыт өткен сайын актерлік құрам, монтаж, киноны бояуда даму байқалады. Назарларыңызға кейінгі екі айда жарыққа шыққан ерекше дорамалар топтамасын ұсынамыз.

Пандора (16 бөлім)

Рөлдерде: Ан Нэ Сан, Ли Сан Юн, Ли Чжи А, Пак Ки Ун, Чан Хи Джин.

Пе Джэ Хен – талантты ғалым. Ол достарымен миға кез келген деректерді тікелей енгізуге мүмкіндік беретін революциялық медициналық құрылғы ойлап табады. Құрылғы сынақтан өтіп, мақұлданғаннан кейін, ол өзінің кандидатурасын президенттікке ұсынады.

Бірақ Пе Джэ Хеннің апаттан кейін есте сақтау қабілетін жоғалтқан жұбайы бар. Естеліктер есіне түсе бастағанда қыз өз мәселелерін шешіп, отбасын құтқарады. Оның өткенінде қандай құпиялар жасырылған? Бұл күйеуінің жұмысымен және достарымен болған оқиғалармен қалай байланысты?

Кумихо туралы аңыз 2 (12 бөлім)

Рөлдерде: Ан Гиль Кан, Ким Бом, Ким Ён Чжи, Ким Со Ён, Ли Дон Ук, Рю Кён Су, Чо Бо А.

«Кумихо туралы аңыз 2» – тоғыз құйрықты түлкі туралы әңгіменің жалғасы. Тағы бір тапсырмаға бара жатқан Ли Ен мемлекет үшін ең қауіпті кезеңдердің бірі 1938 жылға келеді және күтпеген жерден қайтыс болды деп ойлаған інісімен кездеседі.

Қазіргі уақытқа оралмас бұрын ол көптеген кедергіден өтіп, жаңа жауларымен күресуге мәжбүр болады.

Бора! Дебора (14 бөлім)

Рөлдерде: Чу Сан Ук, Ю Ин На, Юн Хён Мин.

Дебора – қарым-қатынас тақырыбында жазатын жазушы. Ол романтиканы дәріптейді және жастарға алғашқы таныстық кезінде өзін ұстау туралы нұсқау береді. Алайда өзі әлі тұрмыс құрмаған және жігіттермен сөйлесе алмайды.

Бірде ол баспагер Ли Су Хекпен жұмыс істейді. Бірақ жазушының жұмысына көңілі толмайды. Сөйтіп жүргенде олар бірге уақыт өткізіп, күтпеген жерден жақындасып кетеді. Осылайша екеуінің де өмірге деген көзқарастары өзгереді.

Чосондық адвокат (16 бөлім)

Рөлдерде: Бона, У До Хван, Ча Хак Ён.

Кан Хан Су – жас адвокат. Ол танымал болуды, қарапайым адамдарға көмектесуді және ата-анасының өліміне кінәлі қылмыскерлерден кек алуды армандайды.

Бірде оған судья Ю Джи Сон мен Ли Ен Джу ханшайым тапсырма береді. Сол сәттен бастап жас жігіт елдегі қауіпті мәселелер мен жұмбақтарға араласады. Ол кез келген қиындықты шеше отырып, өзіне тапсырылған істі аяқтап, танымал заңгер бола ала ма?

Қара рыцарь (6 бөлім)

Рөлдерде: Исом, Кан Ю Сок, Ким Ки Бан, Ким У Бин, Сон Сын Хон, Чжин Гён.

Дорамада кометаның жермен соқтығысқан, көптеген континент су астында қалған және Корей түбегі шөлге айналған уақыт баяндалады.

Оқиға салдарынан тірі қалғандар аз және олар бір-бірімен жиі қақтығысатын түрлі топтарға бөлінген. Олардың арасында арнайы курьерлер бар. Олар оттегі мен тамақ жеткізеді, босқындармен күреседі және шөлді аралайды.

Бір күні аты аңызға айналған рыцарь өзіне ұқсауды армандайтын Са Воль деген босқынмен кездеседі. Осы кездесуден кейін курьер түрлі шытырман оқиғаларға тап болады.

https://turkystan.kz/article/225781-aldagy-demalysta-koriniz-top-5-dorama/

Алдыңғы

«Tomiris» жобасы: 2023 жылға өтінімдерді қабылдау басталды

Келесі

Алматы облыстық мәслихатының депутаттары қандай жұмыс атқарды?

Leave A Reply