Адам құқықтары күніне орай дөңгелек үстел өтті

10 желтоқсан – Адам құқықтары күніне орай «Адам және оның құқықтары» атты дөңгелек үстел өтті. Іс-шараның мақсаты – адам құқықтарының мәні мен маңызын түсіндіру, құқықтық мәдениетті арттыру, жастар арасында өз құқықтары мен міндеттерін білуге ынталандыру.
Дөңгелек үстелге Алибеков Арман Мұратұлы — Жамбыл облысы қорғаныс істері жөніндегі департаментінің заң қызметі бастығы, әділет лейтенанты, Есенбекқызы Меруерт — Қоғамдық қауіпсіздік бөлімі, отбасылық-тұрмыстық зорлық-зомбылыққа қарсы күрес жөніндегі бөлімше инспекторы, полиция капитаны, Балнұр Мұратқызы — полиция аға лейтенанты, Алия Досова — аға инспектор, полиция майоры, студенттер қатысты.
Іс-шара барысында келесі мәселелер талқыланды:
— Адам құқықтары жөніндегі жалпыға бірдей декларацияның негізгі қағидалары;
— Қазақстан Республикасындағы адам құқықтарының қорғалуы;
— Балалар құқығы, білім алушылардың құқықтары мен міндеттері;
— Құқықтық сауаттылықты арттырудың маңызы;
— Қазіргі қоғамдағы адам құқықтарына қатысты өзекті мәселелер.
Шарада қатысушылар пікір алмасып, нақты жағдайлар бойынша талқылаулар өткізді. Мамандар адам құқықтарын қорғау механизмдері мен құқық бұзушылықтың алдын алу жолдарын түсіндірді.
Іс-шарада адам құқықтарын құрметтеу – әрбір азаматтың ортақ міндеті екенін атап өтіп, құқықтық мәдениетті дамытуға бағытталған ұсыныстар айттылды.
Дөңгелек үстел адам құқықтары саласындағы түсінік пен білімді тереңдетуге, қоғамда әділдік пен адамгершілік қағидаларын нығайтуға ықпал етті.