Жамбыл облысында 1008 азаматқа қайтарымсыз грант берілді!

On Сен 10, 2025

2025 жылы әлеуметтік осал топтарға кәсіп ашу және жұмыссыздықты азайту мақсатында әрқайсына 400 АЕК (1 572 800 теңге) көлемінде грант бөлінді.

Грант алғандардың басым бөлігі – көпбалалы аналар, мүмкіндігі шектеулі жандар және мүгедек бала тәрбиелеп отырған ата-аналар.

Қаржы мал және құс шаруашылығы, тігін, кондитерлік өнімдер, қызмет көрсету, қоғамдық тамақтану және басқа да бизнес бағыттарына жұмсалуда.

Грант тек бір рет беріледі және тек бизнес ашуға/дамытуға арналған.

Үміткерлер «Бастау Бизнес» жобасы бойынша оқудан өтіп, бизнес-жоспарын қорғау арқылы грант иегері атанады.

Жамбыл облысы әкімдігінің ақпарат және қоғамдық даму басқармасының
«Өңірлік коммуникациялар қызметі»