Мемлекеттік қызметте меритократия қағидаты басты орынға шықты – Президент

Akorda

https://turkystan.kz/article/265753-memlekettik-qyzmette-meritokratiia-qagidaty-basty-orynga-syqty-prezident
Мемлекеттік қызметте меритократия қағидаты басты орынға шықты. Билікте де «отбасылық жүйе» жоқ. Бұл туралы Президент Қасым-Жомарт Тоқаев ұстаздардың Республикалық тамыз конференциясында айтты, деп хабарлайды turkystan.kz.

«Біз бір ел, бір халық болып, Әділетті, Таза әрі Қуатты Қазақстанды құрып жатырмыз. Ұлттың жаңа сапасын қалыптастыру үшін нақты реформаларды қолға алдық. Бұл – ауқымды әрі күрделі жұмыс. Бүгінге дейін біраз шаруа атқарылды. Елдегі саяси жүйе толық жаңғырды. Ұлттық экономиканың жаңа бағдары айқындалды. Қоғамымыз дамып, азаматтардың сана-сезімі өзгеруде.

Мемлекеттік қызметте меритократия қағидаты басты орынға шықты. Билікте де «отбасылық жүйе» жоқ. Азаматтарды қызметке тағайындау кезінде ең алдымен олардың білімі мен кәсіби білігі ескеріледі.

Қазір елімізде рухы азат, ойы еркін ұрпақ өсіп келеді. Заңды сыйлау, тәртіпке бағыну қоғамның мызғымас қағидасына айнала бастады. Бір сөзбен айтқанда, Қазақстан жаңа сипатты ел болу жолына бет бұрды.

Бірақ өзгерістерді жасау – бір бөлек болса, оны біржола орнықтыру – бір басқа мәселе. Ол үшін, ең алдымен, қоғам санасы түбегейлі жаңғыруы қажет. Осы ретте сіздерге, яғни ұстаздар қауымына зор жауапкершілік жүктеледі. Себебі, нағыз «Адал азамат» мектеп қабырғасында қалыптасады», – деді Мемлекет басшысы.

Айта кетейік, биылғы ұстаздардың жиыны «Білім келешегі: адал азамат, кәсіби маман» тақырыбына арналды

Толық нұсқасына гиперсілтеме беруді ұмытпаңыз: https://turkystan.kz/article/265753-memlekettik-qyzmette-meritokratiia-qagidaty-basty-orynga-syqty-prezident