Таразда жас құтқарушылар арасында жарыс өтті

Тараз қаласындағы «Зербұлақ» құтқару станциясының базасында Қазақстан Республикасының «Құтқарушы күні» кәсіби мерекесіне орай қала мектептерінің арасында «Жас құтқарушы» кубогіне үшінші жыл сайынғы көпсайысты құтқарушылық жарыс өткізілді. Басты ұйымдастырушы Жамбыл облысы ТЖД Жедел- құтқару жасағы болды. Жарысқа Тараз қаласының жас құтқарушылардан алты команда қатысты.
Құтқарушылық ведомстваның тыныс – тіршілік қауіпсіздік мәдениетін қалыптастыру, патриоттық тәрбие және өсіп келе жатқан жас буынды Жамбыл облысының жас құтқарушы жастар қозғалысына тарту мақсаты болып табылады. Жедел –құтқару жасағының арқасында ТЖ-ға барынша жақын кезеңдер дайындалды, олар ептілікке, төзімділікке, тапқырлыққа және командада жұмыс істей білуге әр түрлі міндеттерді қамтиды. Жарысқа қатысушылар ұмытылмас тәжірибе алуға, жолдастардың өмірі үшін жауапкершілікті сезінуге, өзін өрт сөндіруші және құтқарушы ретінде сезінуге, сондай-ақ жарыс барысында өз дағдыларын тексеруге және қайрауға мүмкіндік алды. Жарыс қорытындысы бойынша үшінші жүлделі орынды №41 гимназия-мектебінің «Десантник» командасы, екінші және бірінші орынды Техникалық шығармашылық орталығының «Стая» мен «Отвага» командалар иеленді.
Барлық қатысушыларға ЖҚЖ ұжымы мен Жамбыл облысының Қызыл Жарты Ай ұйымының белсенді қатысушылары атынан естелік сыйлықтар табыс етілді. Сондай — ақ аталмыш іс-шара аясында қатысушылар мен қонақтарға ашық есік күні өткізілді, онда олар құтқарушылар мен өрт сөндірушілердің күнделікті өмірі туралы қызықты оқиғаларды естуге, жаңа авариялық-құтқару құралдарының үлгілерін көруге, сүңгуір қызметі жабдықтарының техникалық сипаттамаларымен танысуға, судағы қауіпсіздік туралы ақпаратты тыңдауға, дәрігерге дейінгі медициналық көмек көрсетуге, ТЖ-дағы өрт қауіпсіздігі негіздерін көруге мүмкіндік алды.