Аппараттық кеңес
Тараз қаласының әкімі Бақытжан Орынбековтің төрағалығымен өткен кезекті аппараттық кеңесте округтердегі олқылықтар мен олардың орнын толтыру мәселелері күн тәртібіне көтеріліп, талқыға түсті.![]()
Жиында баяндама жасаған тұрғын үй-коммуналдық шаруашылық, жолаушылар көлігі және автомобиль жолдары бөлімі басшысының міндетін атқарушы Ж.Шогаловтың сөзіне сүйенсек, 11 аумақтық округтен 37 мәселе ұсынылыпты. Оның ішінде жол жөндеу мен белгі орнату бойынша – 11, түнгі шамдар орнату – 3, қоқыс бойынша – 3, балалар ойын алаңшасы бойынша – 1, спорт алаңшасын салу – 2, орындықтарды, сынған плиталар мен тағы басқаларды қалпына келтіру – 14 және құдық қақпағы бойынша 3 түйткіл туындаған. 
Бүгінгі таңға көтерілген мәселелердің 22-сі орындалып, 15-і орындалу барысында.
Әр олқылықты жеке-жеке тыңдаған қала әкімі жауаптыларға түйткілдердің түйінін толықтай тарқатуды тапсырды.
Аппараттық кеңесте бұдан бөлек қаржының игерілуі, шаһардың әлеуметтік-экономикалық дамуы, білім нысандарының жай-күйі, тұрғын үй құрылысы, инвестиция тарту, 16 желтоқсан – Тәуелсіздік күніне арналған шаралар жоспары сынды мәселелер де қаралып, жауаптыларға нақты тапсырма жүктелді.