⚜️ Тазалық – саулықтың кепілі.
Ауламыз бен көшемізден басталған игі іс ортақ үйіміз — табиғаттың тазалығынан басталады.
Өмір сүрер ортамыздың тазалығын сақтау бүгінде маңызды мәселенің біріне айналды. Көркейту, көгалдандыру және тазалау жұмыстарына арналған екі айлық науқан басталды.
Аудан әкімдігінің 2023 жылғы 27 ақпандағы Қаулысымен бекітілген тазалық жұмыстары 30 сәуірге дейін жалғасатын болады.
Санитарлық тазалық екі айлығы кезінде әр апта сайын сенбіліктер өткізіліп, оған аудандағы мекемелер, кәсіпорындар қызметкерлері және жастар, еріктілер жұмылдырылады.
Алдағы уақытта тазалық айлығы барысында аудан орталығы мен барлық елді мекенде күл-қоқыстарды жинау, тазалау, саябақтағы талдарды әктеу, көшеттер отырғызу, гүл егу жұмыстары жүргізіледі деп жоспарланған.
Тазалық жұмыстары – тұрғындардың қоршаған ортаны таза ұстауға, экологиялық мәдениет қалыптастыруға және ауданның санитарлық жағдайын жақсартуға оң әсерін тигізуде.
Осы орайда аудан тұрғындарын тазалық жұмыстарын бірлесе атқаруға шақырамыз.
Талас ауданы әкімдігінің баспасөз қызметі
