«25-30 градусқа дейін жылиды»: Синоптиктер 23-25 қыркүйек күндеріне арналған ауа райы болжамын жариялады
Фото: pixy.org
Синоптиктердің мәліметінше, алдағы күндері батыста, оңтүстікте, Ақтөбе облысында және Ұлытау облысында жауын-шашынсыз ауа райы сақталады. Кезең басында солтүстік облыстарда, Қарағанды облысында жаңбыр жауады деп күтілуде. Республиканың шығысында және оңтүстік-шығысында кей жерлерде жаңбыр жауады, таулы аймақтарда түнде жаңбыр жауып, соңы көктайғаққа айналуы мүмкін.
«Елдің солтүстігінде, шығысында және орталығында түнде және таңертең 2 градусқа дейін аяз сақталады, күндіз Қазақстанның батысында ауа 25-30 градусқа дейін жылиды. Кей жерлерде Солтүстік, оңтүстік облыстарда және республика орталығында ауа температурасы 18-23 градусқа дейін көтеріледі, республиканың шығысында ауа температурасы 7-13 градусқа дейін төмендейді», – делінген хабарламада.