100 жасқа дейін өмір сүрудің 5 ережесі

Әр адам ұзақ өмір сүруді армандайды. Сарапшылар 100 жасқа дейін өмір сүріп қана қоймай, әр күннен ләззат алуға көмектесетін ең қарапайым бес ережені атады деп хабарлады turkystan.kz.

1.Дұрыс тамақтану

Тамақ – денсаулықтың негізі. Ұзақ өмір сүріп, өзіңді жақсы сезіну үшін дұрыс тамақтану керек. Денсаулыққа теріс әсер етуі мүмкін шамадан тыс майлы, тұзды және тәтті тағамдардан аулақ болыңыз. Дегенмен бұл сіз барлық дәмді нәрседен бас тартуыңыз керек дегенді білдірмейді. Зиянды тағамды пайдалы тағаммен алмастыруға тырысыңыз. Мысалы, фаст-фудтың орнына үйдегі тағамдарды, соның ішінде диетаңызға көкөністерді, жемістерді және шөптерді көбірек қосып көріңіз. Денеңіздің дұрыс жұмыс істеуі үшін жеткілікті мөлшерде су ішуді де ұмытпаңыз.

2. Спортпен тұрақты шұғылдану

Дене белсенділігі денсаулық үшін тағы бір маңызды фактор болып саналады. Тұрақты түрде спортпен шұғылдану бұлшықет пен жүрек-тамыр жүйесінің тонусын сақтауға көмектеседі. Өзіңізге ұнайтын кез келген спорт түрін таңдаңыз: жүгіру, жүзу немесе жаттығу залына бару. Егер спортзалға баруға уақытыңыз болмаса, жаяу жүруге, үйде жаттығулар жасауға немесе жай ғана созылу үшін жұмыстан үзіліс жасауға тырысыңыз.

3. Жақсы ұйқы

Ұйқы адам денсаулығында маңызды рөл атқарады. Адам күніне кемінде жеті-сегіз сағат ұйықтау керек. Жақсы ұйқы денені қалпына келтіруге көмектеседі, иммундық жүйені нығайтады және есте сақтау қабілетін жақсартады. Егер тез ұйықтап кетуіңіз  қиын болса, жатын бөлмесінде жайлы жағдай жасауға тырысыңыз: тыныш және қараңғы бөлме, ыңғайлы төсек-орын.

4. Жаман әдеттерден бас тарту

Темекі шегу және алкоголь ішу – денсаулыққа кері әсер ететін жаман әдет. Ұзақ өмір сүру үшін олардан бас тартуға тырысыңыз деп жазады Life.ru. Егер бұл әдеттерден толығымен бас тарта алмасаңыз, тұтынатын темекі немесе алкогольді сусындардың мөлшерін азайтыңыз.

5.Позитивті көзқарас және психикалық тепе-теңдік

Позитивті көзқарас пен психикалық тепе-теңдік – ұзақ және салауатты өмір сүрудің негізгі факторлары. Бақытты болуға тырысыңыз және жаныңызға жағымды әсер сыйлайтын адамдарды жинаңыз. Жұмыстан кейін демалыңыз, хоббиге, саяхатқа және басқа да жағымды іс-шараларға уақыт бөліңіз.

Әрине, бұл ережелер көбімізге таныс. Дегенмен бұл құндылығын жоймайтын кеңес әрдайым жадымызда сақталуы тиіс.

https://turkystan.kz/article/222163-100-zhaska-deyin-omir-surudin-5-erezhesi/