Ұзақ және қысқамерзімді кездесуге келетін азаматтармен түсіндіру жұмыстарын жүргізді
Ағымдағы жылдың 20 қазанында Президент әкімшілігінің басшылығымен өткен жиналыс хаттамасының 4.4 пунктінде қылмыстық-атқару жүйесі мекемелеріне жазасын өтеушілердің қолдануына тыйым салынған заттардың өтуінің алдын алу бойынша нақты тапсырма берілген. Бұл мақсатта арнайы контингентпен, олардың туыстарымен және түзеу мекемесі аумағына келетін өзге де тұлғалар – жалдамалы қызметкерлер, адвокаттар және т.б. арасында құқықтық түсіндіру жұмыстарын жүргізу жүктелген.
Осыған орай Жамбыл облысы бойынша Қылмыстық-атқару жүйесі департаментіне бағынысты №25 мекемесінде жиын өтті. Онда мекеме қызметкерлері жазасын өтеушілермен ұзақ және қысқамерзімді кездесуге келетін азаматтармен кездесіп, заң талаптарын түсіндіру жұмыстарын жүргізді. Сонымен қатар келушілердің сұрақтарына жауап беріп, толыққанды ақпаратпен қамтамасыз етті.
