Берік Асылов: Конституция күні – ортақ принциптер мен міндеттер төңірегінде бізді біріктіретін мереке

https://turkystan.kz/article/266445-berik-asylov-konstituciia-kuni-ortaq-principter-men-mindetter-tonireginde-bizdi-biriktiretin-mereke

Бас прокурор Берік Асылов Қазақстан халқын Конституция күнімен құттықтады, деп хабарлайды turkystan.kz.

«Барлық қазақстандықты прокуратура органдарының және өз атымнан Конституция күнімен – ортақ принциптер мен міндеттер төңірегінде бізді біріктіретін Ата заңымыздың мерекесімен шын жүректен құттықтаймын!

Сондай-ақ, Конституцияның мерейтойына орай елімізде конституционализмнің дамуына үлес қосқан барлық мемлекеттік және қоғамдық қайраткерлерді, ғалымдар мен практиктерді ерекше атап өткім келеді. Олар еліміздің басты Заңын әзірлеуге, қабылдауға және 2022 жылғы реформасына атсалысты», – дейді Бас прокурор.

Берік Асылов конституциялық бақылау органында еңбек еткен және қазір де қызмет етіп жүрген барлық әріптестің еңбегі бағалы екенін атап өтті.

«Әр шаңырақта береке-бірлік, амандық пен татулық орнасын! Елімізге тұрақтылық пен гүлдену тілеймін!», – дейді Б.Асылов.

Толық нұсқасына гиперсілтеме беруді ұмытпаңыз: https://turkystan.kz/article/266445-berik-asylov-konstituciia-kuni-ortaq-principter-men-mindetter-tonireginde-bizdi-biriktiretin-mereke