Бүгін Тараз қаласының аумағында «Қарахан-Антитеррор-2018» антитеррористік оқу-жаттығуы өтуде. Бұл туралы терроризммен күрес бойынша облыстық жедел штабы хабарлады.
Аталған шара шартты террористік акттің алдын алу және салдарын жоюға бағытталған. Сондай-ақ, терроризммен күрес бойынша облыстық жедел штаб күштерінің дайындығын пысықтауды мақсат етеді.
Оқу-жаттығу күрделіліктің түрлі дәрежесіндегі ұрыс жағдайына барынша жақындатылған. Оған жеке құрам мен арнайы техниканың басым бөлігі жұмылдырылған.
Шара аясында жедел топтар террористік қауіп туындаған жағдайдағы әрекет ету тәсілдерін пысықтайды.